疫情期間無得帶小朋友出國玩，又想放假帶佢地放放電，但唔知去邊到好？Holimood小編完全明白為人家長既難處，所以我地為你精選左幾個親子戶外活動，有動有靜，總有一個適合你同你既小朋友！
1. 親子團 – 飛索、攀岩及沿繩下降 – 石澳
如果你既小朋友係超級大膽，咁一定唔可以錯過呢個活動啦！
呢個活動有沿繩下降環節及攀岩環節兩個環節，係海邊既山崖上面爬落黎，腳下就係不斷拍打緊既海浪，真係驚心動魄啊，最後仲會有飛索環節，一跳出去就可以飛到去對崖， 絕對係考驗大朋友同小朋友既勇氣啊！
小編跳出去既時候都猶豫左好耐，所以如果成功既小朋友真係好叻叻啊！飛出去既時候可以欣賞到兩崖之間既海天山色，個景色靚到已經唔記得左自己懸掛係半空~ 而且教練會小班教學，清楚講解沿繩下降及攀岩既技巧，只要遵從教練既指導就非常安全好玩啦~
不過要注意活動只係適合8歲或以上既小朋友參與，同埋需要一位至少18歲既家長陪同，保障大家既安全~
2. 攀樹體驗 – 西貢北潭涌
如果你既小朋友都係跳跳紮但又無咁大膽既，不如試下攀樹體驗！係專業教練既指導下，加上齊全既安全準備同措施，小朋友就可以盡情放電啦！
大人小朋友可以一同感受空中飛翔帶來的刺激感覺～～
3. 全港唯一珍珠導賞團 – 珍珠首飾工作坊 – 西貢
話明動靜皆宜，我地就緊係唔會得攀石攀樹啦！小編宜家就私心推薦呢個珍珠工作坊，行程好豐富架，大家會一齊搭船出海，保證小朋友滿載而歸！導師會先用有趣既方式同小朋友講解珍珠的知識，跟住就會教點樣開貝殼攞粒珍珠出黎，其實啲珍珠都有幾款顔色，開之前可以同小朋友一齊估下係咩顔色先，睇下有無驚喜！
攞到粒珍珠之後家長同小朋友可以一齊動手製作珍珠首飾， 有手鍊、頸鍊等等多款選擇，可以比小朋友盡情發揮小宇宙！最後仲可以用開左既蚌肉作魚弭釣魚，絕對係一個難忘既體驗啊，仲有親子套票，啱曬一家大細 ~
立即看： 全港唯一西貢珍珠導賞團-珍珠首飾工作坊– 露營具租借套餐以及特色住宿預訂平台
4. 兩日一夜露營體驗 (直立板初班+半天生態遊) – 西貢企嶺下
赤洲擁有赤紅的丹霞地貌被譽為「海上丹霞」，故被列入為香港世界地質公園之一。赤洲的岩石內含有大量鐵的礦物，氧化後變成紅色，因此周圍都遍佈了獨特的褐紅色礫岩和粉砂岩，配合蔚藍的海水，整個畫面唯美極了！海水清澈透明，不少人會選擇在赤洲浮潛，你可以清楚看到不同的魚群。下船後的第一個活動便是浮潛體驗，專業教練會教授基本浮潛技巧和裝備的使用。掌握好浮力控制及呼吸技巧後，你便可以自由地在海中浮潛，於海裡用一個不一樣的角度觀看大自然。小編見到海水清澈見底的相片都想即刻去潛呢！
島上還有很多景點十分適合打卡，能夠拍攝出非常特別的照片！除了打卡外也要注意安全，要穿上防跣鞋和帶備防滑手套，因為在行赤洲時有機會要攀爬樓梯、用雙手支撐岩石來爬和走過有刺針的雜草植物，跟住教練的指示就玩得更安心。