想近近地同閨蜜, 或者屋企人渡個假, 放鬆下, 但係又唔想去到長洲, 南丫島尼啲離島咁遠?
有無諗過其實香港市區一樣有又大又正既船屋比你舒舒服服咁嘆返個weekend? 好似觀塘咁, 交通方便就唔再講啦, 只要搭地鐵或者巴士就去到! 而且眾所周知觀塘係有好多隱世美食架啦, 而家仲有埋全新船屋比你過個至正staycation, 包你係香港渡假都可以chill到好似去咗旅行咁!
平時weekend想租間酒店/渡假屋閒閒地都要$500-700/位, 同埋間房先得個100-200尺左右! 但今次推出既三架全新船屋足足有成3000尺既活動空間, 而且裝修簡潔又舒適, 真係同五星級酒店有得揮架! 而且同book酒店差唔多既價錢就可以同一班朋友係咁大既船屋上面過返個週末, 真係諗得過架!
全新體驗, 快Ｄ去試下船屋Staycation! 按此預訂
想知船屋上有咩必做？同點樣可以過個最chill既Staycation？
小編一於黎個Houseboat兩日一夜實測, 實行試下佢係咪真係咁正!
船屋入住流程 – 交通方便嗎?
尼架船屋最正係咩? 就係佢既交通真係十級方便! 平時想去渡假, 睇海景/夜景可能要去到長洲, 大嶼山, 南丫島尼啲離島先得! 要轉車再轉船先去到, 諗起要周車勞動都覺得煩啦係咪先? 但係尼架船屋因為係係觀塘, 無論你幾點上船/落船都好, 都一定有唔同既交通選擇(好似:地鐵, 巴士, 小巴)比你揀, 真係超方便!
首先船屋停泊在觀塘避風塘, 所以我地係要從附近的觀塘公眾碼頭乘坐快艇/舢舨到船屋｡ 如果你係選擇搭地鐵既話, 從觀塘公眾碼頭, 步行到觀塘地鐵站大概11分鐘(800米)的路程, 所以好容易就會搵到架啦!
如果唔想搭地鐵, 觀塘碼頭都有好多巴士可以直達架! 大家可以參考下香港巴士大典: 快送門在此
因為屋主規定最遲晚上11:00前辦理入住手續, 所以我地星期六晏就三點就去check in了! 因為要搭快艇上船屋, 所以我地約左船東三點係觀塘公眾碼頭等! 去船屋既船程唔長, 大約5-10分鐘就到啦, 所以真係好方便! 不過要留意check in同check out個程既接駁艇係包既, 但額外既每程接駁艇就需要$50 HKD/程!
不過接駁艇坐到成6-7個人, 所以如果想離開船屋係觀塘附近食下野, 玩下既話都抵架! 啱曬一大班人落船去搵觀塘既隠世美食! 想知觀塘有咩做有咩食, 即睇觀塘必食必玩推介! 除此之外, 尼架船屋因為係全新推出, 所以暫時都仲有好多期架! 快啲去試下啦!
不過如果唔想去觀塘既話, 香港仔一樣有超大超寬敞船屋! 👉 按此了解更多
究竟船屋有幾靚有咩設施?
上到船屋我同朋友第一個反應係: 嘩真係好靚好大, 真係好似酒店/高級服務式住宅!
一上到去就見到一個好chill好舒服既露台, 仲有兩張太陽櫈, 啱曬同朋友一齊飲返杯野嘆返個黃昏! 用黎打卡都唔錯架!
然後行入船屋就會見到超大行簡約風既客廳, 真係好寬落, 一大班人係到睇netflix玩下啤牌都完全無問題! 最重要既係佢既裝修真係好居家好舒服, 真係可以比到一個家的感覺! 唔止咁, 個客廳咁大咁舒服, 開party完全無問題! 一大班人食住野hea下傾下計真係諗起都覺得正! 按此立即預訂
簡約舒適得黎, 基本上你講得出一般酒店/渡假屋有既野佢都一應俱全!
Wifi.冰箱 (大), 基本餐具, 平底鑊, 廚房, 沐浴露, 沙發, 洗頭水, 浴巾等等都有提供, 咁大家就可以放心咁係上面住啦!
成間船屋有3層樓既起居空間, 仲有4間帶門既臥室, (包2張單人床, 1張雙人床, 1張Queen Size雙人床) 真係超寬敞住得超舒服!
大部分房都見到出面既海灣, 真係好relaxing好舒服! 而且佢啲房都一樣採用簡約舒適既設計, 所以成間船屋都好居家!
另一方面, 小編都知船屋可能對咁多位黎講都係一個比較新既船隻種類, 所以可能會對船屋有一啲疑問! 但係唔洗驚, 小編為大家準備咗一啲上船屋同於生活係船上既常見問題, 希望幫到咁多位!
船屋Q&A:
Q: 船屋會不會好搖好暈? 訓覺會不會不舒服?
A: 其實我自己親身試過之後發現一啲都唔暈,唔難適應, 架船只會係其他船隻經過時，因為會有一定數量的海浪，所以會時不時感受到輕微搖擺。 但係其實船屋停泊既位置，有減低波浪的作用, 所以大部分時間都係好穩定,所以唔洗擔心!
Q: 船屋上面有咩做?
A: 有得睇下netflix睇下戲, 仲可以睇日落日出同觀星, 因為係海上面睇同平時睇到既一定唔同! 仲可以約成班friend開P, 一於黎個水上豪華又舒適既居家派對! 最重要既係, 尼架船屋係可以自己BBQ架! 咁就可以同一大班朋友一路傾計一路燒野食, 超寫意! 但係要留意返, 要自己帶野食上去架! 不過如果你唔想剩係留下船屋chill既話, 你都可以搭接駁艇去返觀塘碼頭, 然後再係觀塘附近食下隠世美食都好唔錯架! 仲可以係觀塘碼頭睇夜景, 真係好寫意架!
附近有咩做有咩玩? 可以參考小編觀塘必玩必食推介!
Q: 一定要住過夜架? 可唔可以剩係玩一日就落船?
A: 以小編所知, 船屋既入住要求係最少一晚, 而小編我都只係訓咗一晚, 第二日晏就就同朋友check out咗啦! 不過如果小編有得再揀, 我都會揀留多晚 (屋主都建議2晚或以上), 咁就可以有個完整既船屋體驗! 而且住兩晚或以上仲有優惠添! 按此查詢
Q: 係船上面既電力同水充足?
A: 梗係充足啦! 小編經過尼次既兩日一夜體驗之後, 覺得船屋上面既水電同平時無咩分別, 因為船屋有24小時來自岸邊既水同電力, 同平時係屋企真係無分別!
相信大家睇到尼到應該好想試下尼隻全新簡約風船屋架啦! 快啲預訂, 搶先試玩啦! 👉 按此搶先預訂
觀塘船屋唔啱你? 香港仔一樣有超大超寬敞船屋! 👉 按此了解更多
船屋唔啱你心水? 我地都有好多唔同既船隻適合玩唔同種類既船P! 👉 按此了解更多