平日行慣香港郊區行山徑, 想有點新意? 今次小編為大家選擇了一條接近零難度的南丫島行山路線，靚境任你睇， 無論是行山初哥定專業行山友，週末不妨考慮同屋企人或另一半到南丫島行吓山放鬆吓!
路線: ① 榕樹灣 ➡ ② 風采發電站 ➡ ③ 洪聖爺灣 ➡ ④南丫島家樂徑 ➡ ⑤ 蘆鬚城灣村 ➡ ⑥ 索罟灣
時間: 約2小時
長度: 約7公里
難度: ★★✩✩✩
去程: 中環或香港仔乘坐🚢渡輪前往榕樹灣
回程: 索罟灣乘坐🚢渡輪返回中環或香港仔
建議步速: 👣 唔駛急 最緊要慢~
第①站 榕樹灣
落船沿榕樹灣大街而行, 市集兩旁的餐廳和店舖中西合壁, 共存得恰到好處。島上節奏較慢，晨早在cafe嘆個真正的西式早晨全餐, 然後先正式出發都未遲!
地址：南丫島沙埔舊村27號地下
第②站 風采發電站
走出”榕樹灣”後, 跟住指往”索罟灣”的路標出發, 走到分岔口再順著指示牌向”風釆發電站”行。發電站於2006年落成, 雖然屬試驗性質, 只為島上部份居民供電, 但作為香港唯一的風力發電站, 一場嚟到, 睇下佢有幾風采再繼續行程~
第③站 洪聖爺灣
欣賞完香港唯一的風力發電站後, 沿著來路下山返回分岔口, 再向”洪聖爺灣”方向走。洪聖爺灣有齊一般泳灘應有的更衣室和洗手間, 記得帶定泳衣落去浸下水喇! 唔想濕身喺旁邊的燒烤場燒野食又得!
第④站 南丫島家樂徑
家樂徑連接榕樹灣和索罟灣，沿路景色優美；而且指引十分清晰，可以安全地走到索罟灣。
第 ⑤站 蘆鬚城村
洪聖爺灣後去蘆鬚城村的山路是整段唯一的斜路, 行下停下休息下, 唔覺唔覺就已經到蘆鬚城村。最特別是村內保留了當年日軍開鑿以收藏士兵和小艇用的神風洞。村內有小路通往蘆鬚城泳灘, 設備與洪聖爺灣一樣一應供全, 而且景觀更靚更清靜，而且人流較少，包場不是夢！
第⑥ 站 索罟灣
最後來到索罟灣一街，海鮮店林立, 揀返間海鮮餐廳食埋海鮮大餐，結束南丫島行山一日遊就最Perfect池!
再乘坐渡輪返回中環或香港仔。
