由於疫情關係不能外遊，過去一年越來越多人在假日及周末到郊外露營放鬆。既可以呼吸新鮮空氣，又可以遠離煩囂，一掃都市人的壓力。不過當你見到整個山頭光禿禿，又佈滿垃圾，仲可以盡情享受嗎？近日有不少市民發現公眾及私人營地都有露營人士胡亂生火及遺留大量垃圾，令小編心碎了~ 其實露營也需要有不少禮儀，出發去露營前不如先閱讀一下Holimood為你準備既小提示，做個負責任的露營友。
1. 帶走自己的垃圾，保護生態環境
不單係將垃圾丟進垃圾箱或回收箱，而係要將垃圾自己帶回市區啊！因為郊區的垃圾箱未必經常有人清理，帶走垃圾可避免野生動物誤吃。而且郊區既垃圾箱多設於山上或偏遠地區，如果每個露營人士都留下大量垃圾，特別係假期多人既日子，清潔工人收集垃圾過程會變得特別困難。
圖片資料來源：Topick
2. 避免使用即棄用品，準備可重用裝備，減少對大自然的負荷
係享受大自然既同時都要保護大自然啊！其實去露營應該避免使用即棄用品，特別係塑膠餐具，盡量帶啲可重用既裝備，咁就可以減少製做多餘既垃圾喇~ 如果自己本身無裝備，但又唔想全部野都要買新既一套，我地Holimood為你準備左營具租借，咁就露營得又輕鬆又環保！
立即看： 【營具租借套餐】 – 露營具租借套餐以及特色住宿預訂平台
3. 遵守生火規則，愛惜綠油油的草地
千其唔好係地面生火啊！ 曾有連登網民發帖指YouTuber「光頭幫TomFatKi」一行人到東龍島露營兩日一夜時，直接在草地上生營火，即時間被網民直斥行爲不當。咁做不單止違法，更有可能引致山火及把草地燒毀，損害草地植披，燒毀後只會留下一處沙石泥土，需要長時間才能重新生長出嫩草。你享受完綠油油既草地後，其他人就只可以望住一片光禿禿既沙地，不如一齊做個為己為人既露營友！
如果想體驗戶外生火，其實可以選擇一啲合法既私人營地，不如試下遠離市區既綠活城鄉營地，還可以感受一下營火晚會既感覺！
立即看： 綠活城鄉 Green Lohas – 自攜營帳 / 租用營帳 – 露營營地租借套餐以及特色住宿預訂平台
4. 注意說話聲浪，避免騷擾他人
大家去露營都係為左開心，所以都要顧及別人感受。 HK01提及網民「香港無天理」日前生氣地分享到浪茄露營，卻遇上一班玩通宵的人還他無法入睡 。不少網民認同嘈通宵的人十分無品，表示「要嘈就包間Party Room嚟玩！」 露營營地是公衆地方，就算係帳幕入面都要時刻注意聲浪，尤其入夜後，更應控制音量，免得擾人清夢。
圖片資料來源：Fitz
5. 保持營地環境衛生，大家都玩得開心
無論係使用私人或者公衆營地既廁所時，都要盡量保持清潔。如果大家都有良好衛生使用習慣的話，就能保持營地衛廁的乾淨舒適，確保旅程又舒服又開心。
6. 替毛孩繫上狗繩，以策安全
早前網上有露營新手在香港人露營分享谷問：”睡覺時大家個營會唔會上鎖？”意外引起網民熱烈討論。小編提提你帳篷不用上鎖，不過毛孩就要繫上狗繩。假期帶埋毛孩出去玩當然開心~ 但就算係寵物友善既營地，為左安全起見，係適當既時候應該繫上狗繩，避免嚇親其他營友，特別係小朋友啊！
不過想同毛孩玩得盡興，其實可以去啲專爲動物而設既寵物露營車！咁就可以大家都玩得安心~
立即看： Park Nature 摩洛哥風寵物露營車– 露營營地租借套餐以及特色住宿預訂平台
7. 溫柔對待大自然，選擇合法露營營地
大家都在搜索露營X位的同時，有啲地方雖然好靚但其實唔適合露營架！不如去番政府轄下的公衆營地或者合法既私人營地，避免影響生態同騷擾附近居民既生活，確保所有人都可以享受大自然既美態。