唔經唔覺又放假啦, 除咗係屋企\hea下之外仲有咩可以做呢?
去離島渡假又好似有啲遠喎, 咁市區邊到可以食下野玩下又啱一家大細架呢?
有無諗過其實近近地鯉魚門都有好多野玩好多野食, 仲可以了解下背後既歷史文化?
鯉魚門身為香港其中一個最歷史猶久既漁港, 當中既文化氣息同風土人情係係香港其他地區搵唔到架! 鯉魚門燈塔，許願樹，天后廟等等全部都代表住鯉魚門獨有既一面!
而家就等小編同大家一齊拆解點樣可以用一個最方便既途徑去曬鯉魚門最著名既景點，兼了解到鯉魚門背後既歷史文化啦！
唔想去鯉魚門既話, 觀塘又啱唔啱你? 即睇觀塘5大玩樂覓食精選
除咗觀塘, 鯉魚門之外, 香港仔都有好多野食野玩架! 即睇鴨脷洲必食必玩必住推介
想去遠啲, 好似離島, 南丫島既話, 可以參考南丫島一日遊路線推介!
鯉魚門背後的故事
鯉魚門位於觀塘區的東南面，已有超過150年既歷史。以前既鯉魚門係一條魚村，而家鯉魚門最馳名既係佢既海鮮美食，因為唔好睇鯉魚門細細地，其實係有幾十家海鮮酒家架。鯉魚門燈塔同天后廟係鯉魚門既兩大特色，沿路可眺望維多利亞海港，海防博物館同對岸既杏花村。
咁鯉魚門建村的時候，村民其實係從事乜野經濟活動呢? 鯉魚門點解會發展成遠近馳名食海鮮既地方? 何解發展出食客要係一個地方買海鮮但係要係另一到食海鮮?香港碩果僅存既英皇喬治五世郵筒又係幾時開始服務鯉魚門架呢?
如果想知道尼啲鯉魚門有關既故事, 最好既方法莫過於去曬代表住鯉魚門歷史文化既地方啦!
1. 小村小店舊時情 – 瑞香園
舊式餅店係香港真係買少見少，其中好幾家就係鯉魚門。位於海傍道中既瑞香園，開業40多年，門口擺放着一盒盒蛋卷、鳳凰卷、合桃酥、杏仁餅等傳統餅食，仲有新鮮製既雞仔餅同老婆餅! 全部都係由店主李伯伯人手製作, 保證新鮮又好味! 而且從中可以感受到滿滿既人情味, 真係好似返咗去舊陣時既鯉魚門!
2. 海盜建廟防進剿 – 天后廟
如果懷舊小食唔啱你心水既話，不如去其中一個最代表到鯉魚門既地標 – 天后廟啦！天后廟建於乾隆十八年（1753年），而家已經屹立係鯉魚門257年啦，更被評為二級歷史建築文物！而當中有好多有趣既歷史故事，相信大家會感興趣既！
天后廟由當時盤踞鯉魚門一帶既海盜鄭連昌建立，廟宇既其中一個用途就係充當其瞭望台，監視來往船舶，以防官兵進剿。唔止咁，神壇後有一塊大石，大石上有一個約深1米的石洞，係最初供奉天后既位置黎架。天后廟雖然唔算大，但係就扼守鯉魚門海峽，而且係廟旁既巨石上面，刻有多幅巨型題字，好有氣勢架，大家有機會不妨去睇下！
3. 鯉魚門許願樹
除咗天后廟之外，鯉魚門許願樹都係其中一個地標黎架！許願樹屹立於鯉魚門已有接近五十多年歷史， 居民都稱呼為「許願樹」或「百年古樹」！相傳此樹對祈求姻緣係極靈驗， 所以每年都有唔少男女前來許願， 若果真係如願就要返去謝恩。據說，曾有善信遲遲未有身孕，經誠心祈求後果得一子，所以唔少人相信「許願樹」係真係可以令人心想事成。
4. 鯉魚門海鮮節
睇完咁多歷史文物，會唔會想食下野？鯉魚門最出名既，唔洗講一定係佢地既海鮮！就咁食佢地既海鮮邊夠特別呢，咁就要去鯉魚門一年一度既海鮮節啦！第一屆既海鮮節於1992由多間海鮮飯店合辦，吸引咗唔少食家同旅客來臨，非常成功，所以到到今時今日每年都會舉行。
係海鮮節中，唔只有中國戲曲同舞獅表演，仲有各酒家舉辦唔同既宣傳活動黎做招徠。所以大家如果撞正海鮮節既舉行時間既話，一定唔可以錯過尼個一年一度既盛事啊！
5. 三家村/鯉魚門燈塔
去得鯉魚門，又點可以唔去燈塔打卡兼睇日落呢？鯉魚門燈塔主要為往來鯉魚門海峽既船隻照明同導航，已經有五十年歷史架啦。由於佢位於維多利亞港東面末端，所以當你企係燈塔上，你就可以睇到海港全景！同埋由於尼到亦係過往香港最主要既海上對外交通出入口，可謂見證咗香港既成長。
鯉魚門燈塔座落係海面一個小石島上，係潮退期間先可以比遊客前往。每當到咗黃昏時分，斜陽照射係海面上面，都會發出閃閃金光，將整個海面都染成金黃色，真係好靚架！
鯉魚門交通指南
睇到尼到係咪好想去鯉魚門同屋企人玩返日呢？但係其實點去鯉魚門架呢？
鯉魚門位於觀塘附近, 所以要去都唔係好難既! 想去鯉魚門其實都有好多方法既, 其中一個比較熱門又方便既方法就係搭地鐵啦! 根據地鐵既資訊, 只要搭到去油塘站, 再步行約5至10分鐘, 就會到鯉魚門海鮮美食村架啦! 詳情可參考港鐵網站
除咗地鐵之外, 都有好多巴士同小巴去到鯉魚門架!
而且好多都係係市區上落, 都真係幾方便架! 按此了解更多
去鯉魚門最舒適之選
不過如果想舒舒服服咁去鯉魚門感受佢既歷史文化既話, 可以試下全新推出既『尋找漁民樂 • 認識老香港』團! 方便又快捷! 唔止咁，每位只需$588，就包括西灣河去三家村來回渡輪船票，鯉魚門海鮮餐，同導賞員一名！咁就唔洗自己周車勞動入鯉魚門，仲唔洗驚唔識去啱啱提過既景點添！按此了解更多
除左文化導賞團之外，大家仲可以包船入鯉魚門食海鮮架！即睇小編鯉魚門海鮮餐廳推荐
相信大家睇到尼到應該好想即刻去鯉魚門感受下佢既歷史文化架啦! 按此立即預訂
如果大家只係想用一個更加方便既途徑去食海鮮，都可以參考下我地既東龍島海鮮套票！按此查詢
除左包船去食海鮮外, 仲可以包船開船P同去滑水架! 如想了解更多, 可以按此查詢!
唔想去鯉魚門既話, 觀塘又啱唔啱你? 即睇觀塘5大玩樂覓食精選
除咗觀塘, 鯉魚門之外, 香港仔都有好多野食野玩架! 即睇鴨脷洲必食必玩必住推介
想去遠啲, 好似離島, 南丫島既話, 可以參考南丫島一日遊路線推介!