長洲行山

其實長洲不只是有平時大家見到嘅大魚蛋呀,各式各樣嘅平民商店或者東灣海灘,原來仲有好多香港數一數二靚嘅風景,今日就帶大家去睇下小編覺得嘅鯆魚灣啦!

其實鯆魚灣就係長洲大名鼎鼎嘅張保仔洞隔離,離碼頭都有些少距離的,所以呢要去的話大家就要動下根骨行下路啦。

以下就係由碼頭去鯆魚灣個邊嘅路線圖,大家可以見到google話要行20分鐘,事實上又的確係要行大約20分鐘的。路線基本上係碼頭落船後轉右之後一直沿著海邊行就係啦

長洲行山

沿途風景都唔錯,由於離島中心比較遠的關係,沿路都比較少人

長洲行山

長洲行山

當大家沿著西堤道一直行就會見到以下牌坊,見到即係話大家沒行錯路了,沿著牌坊下面條路繼續向前行啦

長洲行山

之後應該會見到1個寫著張保仔路嘅路牌,轉左一直行就得啦。下條路好斜仲要上山,岩唔岩架?岩架啦行你就行啦

長洲行山

再行上少少你就會見到鯆魚灣啦,拿,靚唔靚先?

長洲行山

另一角度

長洲行山

大家應該會見到下面有條路的,點行落去呢?其實大家行前少少就會見到呢個路牌,見到又係轉左就得了

長洲行山

呢條路有D陰森的,因為大家要係幾塊巨石下面穿過去,不過都係個句,想睇靚風景就行啦

長洲行山

穿過幾塊巨石下面之後,大家就落到頭先見到個條路啦!

長洲行山

望返轉頭

長洲行山

其實小編都去過台灣墾丁,個人覺得其實長洲風景同墾丁係有得揮

大家鐘意的話仲可以走上海邊的大石的,好似前面對情侶咁, 對面個島叫石鼓洲

長洲

大家仲可以見到海灣嘅對面仲有得行的,對面的係五行石,不過要留意嘅係大家要等退潮先行到過對面,漲潮條路就會比水蓋過,所以大家留意返退潮時間啦

長洲

PS,鯆魚灣係向西的,可以睇到日落,想睇的可以自己預返時間啦