2021香港夏日刺激水上活動 | Surfing大比拼

by Holimood
surfing

炎炎夏日,水上活動就一定唔少得啦,近期wakesurf同wakeboard大熱,心思思都想挑戰下,但點解有咁多款滑水運動,除左呢兩款,仲有滑浪surfing,又有攞住個風箏嘅kitesurfing,究竟有咩分別呢?Holimood小編宜家就為你一一講解各款滑浪surfing嘅分別,等你可以揀一個最刺激最適合你嘅!

1. 滑浪 Surfing

Surfing係是利用衝浪板越過海浪,要有浪先可以surfing,所以最重要係個天氣!普遍要衝浪的話就要等到風級達到四至五級或以上,總之就唔可以風平浪靜!所以打風嘅時候就會見到特別多人去滑浪。唔好睇佢淨係需要一塊衝浪板咁簡單,其實係需要好多技巧㗎!頭先都話需要天時地利,咁淨係有大浪都唔夠,仲需要識得睇浪同追浪!咁先可以造就一次成功嘅衝浪!不過香港嘅海灘唔係經常都keep住好大浪,當你一搵到個浪嘅時候可能就已經無左,又要再黎過嚕~

立即看: 【衝浪體驗 – (大嶼山長沙/ 石澳大浪灣)】 – 露營營地租借套餐以及特色住宿預訂平台

2. 無繩滑水 Wakesurfing

Wakesurfing其實同surfing有啲類似,不過唔同嘅係前者不受天氣環境限制,就算風平浪靜都可以surfing,所以其實wakesurf係Surfing嘅改良版!快艇不斷行駛就會不斷製造浪花,只要surfer捉住推動點,追到浪就可以surf。比較起原始surfing,wakesurf唔需要等到大浪,危險性相對低,而且唔需要追浪,消耗嘅體力會比較少,啱曬啲玩開surfing但又等唔到大浪嘅日子嘅surfer,或者唔識睇浪嘅surfing初學者。

圖片來源:香港01

玩法係利用繩扯起身體,等穩定後就放開繩,利用身體控制左右活動同加減速,例如重心放多啲係前腳就可以前進追浪,好考驗你嘅平衡力同控制身體嘅力量!由於係無繩滑水,只要練習多幾次,Surfer可以做出不同花式,成功個下就好似征服左個大海咁!(小編表示起到水個下內心真係好澎湃!)

立即看: 【Super Nautique Air大埔 270匹Wakesurf】 – 露營營地租借套餐以及特色住宿預訂平台
立即看: 【西貢 Mastercraft X Star 22′ 快艇Wakesurf】 – 露營營地租借套餐以及特色住宿預訂平台

3. 滑水 Wakeboarding

雖然Wakeboard同Wakesurf只係差一個字,但其實分別都幾大㗎!Wakeboard同樣都係透過快艇製造波浪比surfer滑行,不過surfer需要捉住條繩同穿上與wakeboard相連既鞋,再借由快艇既力量係水面上滑行。不過,相對wakesurf,wakeboard要捉住條繩滑行就會限制左花式嘅自由度,所以宜家大家都比較鍾意玩wakesurf,又玩得又型得!

圖片來源:體路sportsroad

立即看: 【 150匹西貢快艇滑水】 – 露營營地租借套餐以及特色住宿預訂平台

4. 風箏滑水 Kitesurfing

大家可能對kitesurfing陌生少少,因為香港唔係周圍都適合玩,又要等啱天氣先得!不過佢既刺激程度絕對會吸引到你!!

圖片來源:Cosmopolitan HK

Kitesurfing同wakeborading類似,只是Kitesurfing唔需要快艇,純粹依靠風力拉動,透過大型風箏的力量帶動玩家在滑翔或騰飛至高空,而且Kitesurfing玩家可以利用風箏自行決定速度和風向,更不受束縛,比單靠快艇拉住走嘅wakeboard自由度更大,例如可以把風箏放高或放低去迎風位置增加速度,亦都可以好似滑水咁利用腳去增加速度,kitesurfing速度甚至可以比wakeboarding快!

因為多數在淺灘進行,所以初學者都適合玩!所需嘅裝備一啲都唔簡單,首先要有特製的風箏,長度9至14米、連繫風箏同surfer的腰帶、以及一塊滑板,有齊裝備都仲要天時地利,人少的海灘和適合的風向,而風速都要達到四至五級先比較適合,而且風要吹向岸邊,限制較wakesurf/ wakeboard多。

立即看: 【 風箏衝浪體驗 – 大嶼山】 – 露營營地租借套餐以及特色住宿預訂平台

睇完咁多款滑水,有無多左少少認識呢?睇字就唔夠刺嘅,心動不如行動!

===========================================================================

相關文章:
【2021香港好去處】市區都可以上山下海 三大戶外刺激體驗(獨木舟|直立板瑜伽|激流溪降)
【2021 潮玩直立板體驗】由初體驗玩到車中泊
查看更多2021熱門水上活動 https://holimood.com.hk/hk/page/34

===========================================================================

Holimood會員積分計劃已經開通,馬上登入個人檔案,填寫資料獲取1500 Holimood Points,可當現金使用,賺到盡!
https://holimood.com.hk/hk/memberDashboard/personalDetail