2016年話咁快又到左十一月，每到年尾總會有無數無數咁多gathering、Re-u，數下數下：平安夜party、聖誕party、除夕party仲有未計boxing day同元旦party！淨係落老蘭去party room或者任食打邊爐開始有啲悶，嫌冇啲新意？各位聚會搞手！不妨可以考慮揀架靚遊艇，一路睇下香港靚一靚既聖誕燈飾，一路同老友係船上面吃喝玩樂，瘋狂影靚相！驚貴驚人數門檻太高搵唔到咁多人？唔洗驚，就等我地為大家介紹至抵玩package，最抵既仲同你食餐放題差唔多！
秋冬船P 玩咩食咩好？
秋冬船P其實有無限既可能性！食物亦都唔再限於一般到會，食下菠蘿腸仔。只要你想，絕對可以俾你係船上盡享各國美食！你可以根據派對主題、budget，什至係對美食既喜好，再決定想食有專人為你準備既BBQ 、生蠔刺身、cocktail定係係船上自助餐。節日唔再需要同人係街上逼，唔再需要等百幾張籌食個飯！除左食之外，相信有咩玩都係大家關心既問題。係船上面可以唱K、打蔴雀、Wii、飛行棋，什至請個DJ 番黎開DJ Party都完全無問題！
立即預訂啦！
至豪華派對必選
我地再重申一次！船P 絕對唔係夏天既專利！香港既冬天其實不算太凍，而且船P 除左落水之外，同一大班朋友柴娃娃咁玩番晚都係一大亮點！你可能會問，既然唔可以落水玩水上活動，點解要揀遊艇黎搞gathering？
我會答你兩個字：格！調！
Holimood強烈推薦【格調之最—Luxury Yacht Party Night Package】！Luxury Yacht Party Night Package絕對係最豪華最有格調既選擇。船內除左有精緻的節日裝飾外，仲備有各種玩樂設備，唱K，打牌？全部都有！而且船頭同甲板裝修好精緻，空間極大，即使跳舞狂歡玩遊戲都完全冇問題！去Party食到會食到悶悶地？仲可以試埋佢地既BBQ tim！好食有風味之餘仲有工作人員燒埋俾你食！
抵玩全包party boat
跟住落黎為大家介紹既就係【性價比最高、派對首選—PL01N】！呢隻船絕對係為派對Re-u而設！船內備有音響、啤牌、飛行棋、老虎機仲有Wii！可以一大班人一齊玩！除此之外，價錢仲要包食包飲品，唔洗再自己預備食物或者訂到會！為左令各位有至正既節日體驗，價錢亦已經包埋節日燈飾啦！影靚相呃like？easy啦！
Holimood仲絕對明白一般船P 既問題，就係價錢偏貴，又要約齊成村人先book得。PL01N最正斗之處就係十五個人就成行啦！十五個人呀！！！每位$348起，包食包飲包玩包船，價錢仲同食個靚放題差唔多！各位搞手！仲唔即刻預訂PL01N！
Chill住玩 夜遊世界三大夜景之一
有冇試過去旅行個時突登搭下當地既觀光船就係為左睇下個夜景？覺得好靚？咁唔知你又有冇認真欣賞過香港維港夜景呢？其實香港維港夜景聞名國際，係世界三大夜景之一。唔好唔記得，十二月份維港兩岸仲有美輪美奐既聖誕燈飾呢！Holimood為你推介【遊維港必選—TL01N】，讓你可以一邊嘆夜景，一邊同一大班朋友chill下relax下！
TL01N船上空間闊落，仲有卡啦ＯＫ、音響同蔴雀！岩哂一大班朋友開party狂歡！想開大食會狂拆一餐？亦可以加錢選擇由船家提供既到會服務，係維港夜景既襯托下嘆下美食，都咪話唔chill！而且上落碼頭選擇亦較多，絕對總有一個碼頭方便到你！價錢方面亦都抵到盡，除番開都係每位180蚊起咋！